Як зрабіць каралі сваімі рукамі? Можна купіць патрэбныя пацеркі ў крамах для рукадзелля, а можна вырабіць іх самастойна. Спецыяльна для вясновай фотаздымкі былі зроблены графічныя каралі з гранёных пацерак чорнага колеру.
Фота: Аляксандра Баярына, Кацярына Буто
Каб зрабіць такія каралі, вам спатрэбіцца, акрамя саміх пацерак, замшавы шнурок кантрастнага колеру. У нашым выпадку пацеркі мы зрабілі чорнымі, а шнурок выбралі салатавага колеру.
Пацеркі могуць быць з любога матэрыялу. Спецыяльна для вясновай фотаздымкі былі вырабленыя і абпаленыя керамічныя пацеркі. Колькасць залежыць ад памеру саміх пацерак і жаданай даўжыні будучых караляў.
